Ҳалокати шаҳрванд аз лату кӯб

Душанбе, 30.06.2014. (АМИТ «Ховар», Муқаддас Темурзода). Ҳангоми гузаронидани чорабиниҳои фаврӣ-ҷустуҷӯӣ кормандони милитсия шаҳрванд Қурбоналиев Фариддун Муродалиевич, соли таваллудаш 1984, сокини кӯчаи Қаҳҳорови шаҳри Душанберо бо гумони расонидани зарари вазнин ба саломатӣ дастгир намуданд. Номбурда 26 июн, тахминан соати 16.30-дақиқа дар дохили бозори «Султони Кабир» бо шаҳрванд Махсумов Қудратулло Расулович, соли таваллудаш 1994, сокини кӯчаи Р.Набиев ҷангу ҷидол намуда, ӯро лату кӯб мекунад. Дар натиҷа Қ. Махсумов ҷароҳати вазнини ҷисмонӣ бардошта, дар беморхона ба ҳалокат расидааст. Нисбат ба ҳодисаи мазкур парвандаи ҷиноӣ оғоз гардида, тафтиш идома дорад.