Ҳукумати шаҳр сохтмонҳои ғайрқонуниро аз байн мебарад

Душанбе, 16.06.2014. (АМИТ «Ховар», Екатерина  Пасторова). —  Назар ба  хабари   котиби  матбуоти  раёсати  пойтахт  Шавкат  Саидов,  дар  пойтахти  кишвар  то  охири  моҳи  август  тафтишот   барои  аз  байн  бурдани   сохтмонҳои  ғайриқонунӣ,  аз ҷумла  танӯрҳои  нонпазӣ  сурат  мегирад. 
Мувофиқи  суханони  мавсуф,  ин  иқдомот  бо  иштироки  аъзои  комиссияе роҳандозӣ  мешавад, ки ба он  сармеъмори  шаҳр,  намояндагони  ҳукуматҳои  чор  ноҳияи  пойтахт,   кормандони хадамоти  манзилию  коммуналӣ ва  раёсатҳои биноҳои  истиқоматӣ  шомиланд.
«Аъзои комиссияи  мазкур  ба  тафтиши  маълумот  дар  бораи  сохтмонҳои  ғайриқонунӣ  машғул  шуда,  маҳаллаю  ноҳияҳои  шаҳрро  тафтиш намуда,  дар  машваратҳои  маъмурияти  пойтахт  иштирок  карда, аз  кори  иҷрошуда ба  раиси  шаҳр  ҳисобот  медиҳанд»,  — қайд  намуд  манбаъ.
Мувофиқи  суханони  манбаъ,  мақсад  аз  ин  чорабиниҳо  ободонии  пойтахт  дар  арафаи  90 – солагии  ҷашни  шаҳри  Душанбе  мебошад.