Ҳузури сайёҳони Аврупо ба Тоҷикистон

Душанбе, 10.06.2014. (АМИТ «Ховар», Зарангези Латиф).- Дар доираи Барномаи инкишофи иҷтимоии манотиқи куҳистон бо дастгирии  Асотсиатсияи сайёҳии Эко-фарҳангии Помир (АСЭФП)  коршиносони соҳаи сайёҳии Аврупо  аз 2 то 9 июни соли ҷорӣ аз  шаҳри Душанбе ва кўҳҳои шигифтангезу мафтункунандаи Куҳистони Бадахшони  Тоҷикистон ва шоҳроҳи бузурги Абрешим дидан карданд.   
Иқдоми мазкур дар доираи барномаи махсуси сайёҳӣ таҳти унвони «Кўҳҳои Тоҷикистон барои муҳаққиқ офарида шудаанд»   суарт гирифта, ҳадафаш вусъати ҳамкориҳои байналмилалӣ дар бахши туризм, ҷалби сайёҳони хориҷӣ, рушди туризми куҳӣ ва алпинизм аст.
Меҳмонон зимни мулоқот бо муовини раиси Кумитаи ҷавонон, варзиш ва сайёҳӣ Руслан Шодиков, ки  8 июн  сурат гирифт, тазаккур доданд, ки аз туризми Тоҷикистон таасуроти хуб бардоштаву барои вусъати ҳамкориҳо ва ҷалби сайёҳони хориҷӣ  ба Тоҷикистон мусоидат хоҳанд кард.