Ҷаласаи коршиносони хадамоти сарҳадии давлатҳои аъзои СҲШ

Душанбе, 25.06.2014. (АМИТ «Ховар», Пайрави Қосим). — Дар шаҳри Хуҷанд ҷаласаи шашуми коршиносони хадамоти сарҳадии мақомоти салоҳиятдори давлатҳои аъзои СҲШ корашро анҷом дод.Тавре ки намояндагии Тоҷикистон дар СҲШ хабар медиҳад, дар ҷаласа коршиносони хадамоти сарҳадии мақомоти салоҳиятдори Тоҷикистон, Қазоқистон, Чин, Қирғизистон, Русия, Ӯзбекистон, ҳамчунин намояндагони Котиботи СҲШ ва Кумитаи иҷроияи Сохтори зиддитеррористии минтақавии СҲШ ширкат доштанд. Ҷонибҳо масоили омодагӣ ба ҷаласаи роҳбарони хадамоти сарҳадии мақомоти салоҳиятдори давлатҳои аъзои СҲШ — ро, ки 25 — 26 июн дар шаҳри Хуҷанд баргузор мегардад, мавриди муҳокима қарор доданд.Иштирокдорони ҷаласа перомуни вазъияти сарҳадоти давлатҳои аъзои СҲШ, ҳамкории мақомоти сарҳадӣ мубодилаи афкор карда, масоили дигари мавриди таваҷҷӯҳи тарафайнро баррасӣ намуданд.