Ҷаласаи вазирони туризми ҷаҳон дар Сочи

Душанбе, 17.06.2014. (АМИТ «Ховар», Зарангези Латиф).- Рўзҳои 16-17-уми июни соли равон дар шаҳри Сочии Федератсияи Русия ҷаласаи вазирони туризми ҷаҳон вобаста ба рушди минбаъдаи туризм ва ҳамкориҳо доир гардид. Аз Осиёи Марказӣ дар баробари 25 давлати дунё муовини раиси Кумитаи ҷавонон, варзиш ва сайёҳӣ Руслан Шодиков оид ба рушди туризм дар Тоҷикистон ва муаррифии он тавассути ролики махсус барои ҳамкорӣ ва ҷалби бештари сайёҳон ба кишвар сухан гуфт.
Зимни ҷаласа бо Котиби Генералии Созмони ҷаҳонии туристӣ Толиб Рифаӣ, роҳбари Кумитаи туризми Русия О.Р. Сафонов ва намояндагони баландпояи туризми Русия, Тунис, Аргентина, Малайзия, Корея, Монако, Испания, Камбоҷа ва дигарон суҳбату мулоқотҳо оид ба ҳамкориҳо дар рушди туризми кишвар доир шуданд.