40-соли таҷрибаи Филиппин дар соҳаи муҳоҷират
Душанбе,7.06.2014. (АМИТ «Ховар», Лайло Тоирӣ).-Бо мақсади омӯзиш, таҳлил ва баррасии масъалаҳои муҳоҷирати меҳнатии давлати Филиппин гурӯҳи кории Ҷумҳурии Тоҷикистон моҳи майи соли 2014, таҳти роҳбарии муовини вазири меҳнат, муҳоҷират ва шуғли аҳолии Ҷумҳурии Тоҷикистон Н.Маҳмадуллоев, мудири бахши муҳоҷирати дастгоҳи иҷроияи Президенти Ҷумҳурии Тоҷикистон Б. Маҳмадалиев, сардори шуъбаи робита бо ҷомеаи Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон Абдуллоҳи Қодирӣ, сардори Раёсати кортҳои бонкии «Амонатбонк» Б.Маҳмудов ва дигарон ба шаҳри Манилаи Филиппин сафари хизматӣ анҷом дод.
Гурӯҳи корӣ дар ҷараёни сафари худ бо муовини вазири меҳнат ва шуғли аҳолии ин кишвар мулоқот намуд.
Дар мулоқот муовини вазири меҳнати Филиппин Саул Т. Де Вриз оид ба дастовардҳои ин кишвар дар тӯли 40 сол дар заминаи муҳоҷирати меҳнатӣ сухан намуд.
Бино ба иттилои Абдуллоҳи Қодирӣ, вазири меҳнати Филиппин зикр намуд, ки давлати Филиппин раванди муҳоҷирати меҳнатиро ҳамчун падидаи обеъктивӣ дар шароити имрӯза эътироф намуда, тамоми паҳлӯҳои мусбат ва манфии онро қабул намуд.
Дар ин самт вазорат арзёбии пурраи раванди муҳоҷирати меҳнатиро бароҳ монда, давра ба давра мушкилоти муҳоҷиратро бо иштироки бевоситаи тамоми вазорату идораҳои дахлдори кишвари Филиппин ҳал намуд. Муовини вазири меҳнат зикр намуд, ки ба танҳоӣ масъалаи муҳоҷирати меҳнатиро ҳал намудан кори басо мушкил аст ва дар ин роҳ ҳамкории мунтазами тамоми вазорату идораҳои дахлдор, ширкатҳои хусусӣ, созмонҳои байналмилалӣ ва ҷамъиятӣ зарур аст. Таҷрибаи давлати Филипин оид ба идораи раванди муҳоҷирати меҳнатӣ асосан аз солҳои 70-уми асри гузашта оғоз гардид, ки ин ба болоравии сатҳи рушд ва инкишофи иқтисодиёт ва буҳрони сохтмонҳои азим дар давлатҳои Ховари Миёна рост меояд.
Инчунин зикр гардид, ки дар шароити имрӯза аз 8 то 10,5 миллион нафар шаҳрванди давлати Филиппин дар муҳоҷирати меҳнатӣ қарор дорад, ки он ба муҳоҷирони меҳнатии доимӣ ва муваққатӣ ҷудо мешавад.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






