Амалиёти “Кӯкнор-2014” дар пойтахт
Душанбе, 02.06.2014.(АМИТ “Ховар”, Марзия Саидзода).- То 30 ноябри соли равон дар пойтахт амалиёти “Кӯкнор-2014” гузаронида мешавад. Ҳадафи ин амалиёт ҳамоҳангсозии фаъолияти мақомоти ҳифзи ҳуқуқ ва дигар сохторҳои марбутаи шаҳрӣ ҷиҳати ошкор ва нобуд сохтани растаниҳои нашъаовари худрӯй ва тақвияти мубориза алайҳи муомилоти ғайриқонунии воситаҳои нашъадор дар ҳудуди пойтахт аст. Дар асоси қарори раиси шаҳри Душанбе Маҳмадсаид Убайдуллоев ҷиҳати назорати амалиёти “Кӯкнор-2014” дар пойтахт ситоди кории шаҳрӣ таъсис шудааст. Ҳамзамон тибқи ин қарор сохторҳои марбутаи қудратӣ ва ҳифзи ҳуқуқу тартибот дар пойтахт муваззаф гардидаанд, ки дар ҳамкорӣ бо ситоди шаҳрӣ нақшаи кори ситодро таҳия намуда, гурӯҳҳои фаврӣ-ҷустуҷӯиро барои муоинаи заминҳо дар пойтахт таъсис намоянд. Ситоди шаҳрӣ уҳдадор аст, ки аз натиҷаи фаъолияти амалиёт то 15 июл ва 1 декабри соли 2014 ба Агентии назорати маводи нашъаовари назди Президенти Ҷумҳурии Тоҷикистон оид ба тадбирҳои андешидашуда гузориш пешниҳод намояд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
