Анҷумани иттиҳоди занони тоҷикистонӣ дар Федератсияи Русия

Душанбе, 3.06.2014. (АМИТ «Ховар», Лайло Тоирӣ).-Бо ташаббуси Шӯрои ҷамъиятӣ, миллӣ-фарҳангии ба номи «Соотечественник»-и тоҷикони вилояти Иркутски Федератсияи Русия ва як гурӯҳ занони фаъоли тоҷик, ки солҳои зиёд  дар ин вилоят кору зиндагонӣ доранд, дар  Палатаи Ҷамъиятии вилояти Иркутск Анҷумани Иттиҳоди занони тоҷики вилояти Иркутски Федератсияи Русия баргузор гардид. Яке аз мақсадҳои асоси анҷуман таъсис додани ин иттиҳод муттаҳид намудани занони тоҷикистонӣ, новобата аз миллаташон, ки дар ин вилоят кору зиндагонӣ доранд, мебошад. 
 Тавре ки аз шуъбаи робита бо ҳамватанони  бурунмарзӣ хабар доданд, гурӯҳи корӣ дар ин муддат бо  ташкилотҳои давлатию ҷамъиятии вилоят, аз ҷумла бо роҳбарони Саридораи кор бо ташкилотҳои ҷамъиятӣ, миллӣ-фархангии маъмурияти Губернатори вилоят, Шурои занони вилоят, Шӯрои минтақавии занони вилоят ба номи «Ангара», Палатаи ҷамъиятии вилояти Иркутск, Саридораи Хадамоти муҳоҷирати Федерасияи Русия дар вилояти Иркутск, идораи кор бо ташкилотҳои ҷамъиятии миллӣ-фарҳангии Иркутск вохӯриҳои судманд гузарониданд. Дар анҷуман инчунин  лоиҳаи Низомномаи Иттиҳоди занони тоҷикистонӣ «Бону»-ро муҳокима намуданд. 
Мақсад аз ташкили ин иттиҳод, пеш аз ҳама ҳимояи ҳаматарафаи занони тоҷикистонӣ дар ин вилоят ва  муттаҳид намудани онҳо мебошад.