Баимзорасии Ёддошти тафоҳум миёни Тоҷикистону Швейтсария
Душанбе, 19.06.2014 (АМИТ «Ховар»).- 17 июни соли 2014 дар Вазорати рушди иқтисод ва савдои Ҷумҳурии Тоҷикистон Ёддошти тафоҳум дар бораи Лоиҳаи Тоҷикистону Швейтсария оид ба моликияти зеҳнӣ байни Котиботи давлатии Швейтсария оид ба иқтисодиёт (SECO), Вазорати рушди иқтисод ва савдои Ҷумҳурии Тоҷикистон ва Институти Федералии моликияти зеҳнии Швейтсария ба имзо расонида шуд.
Ёддошти тафоҳуми мазкурро аз ҷониби Тоҷикистон Шариф Раҳимзода- вазири рушди иқтисод ва савдои Ҷумҳурии Тоҷикистон, аз ҷониби Швейтсария Питер Микула- директори Дафтари швейтсариягӣ доир ба ҳамкорӣ дар Тоҷикистон ва Феликс Аддор -муовини аввали директор ва Уели Бури- муовини директори Институти швейтсариягии моликияти зеҳнӣ ба имзо расониданд.
Ҳадафи имзои Ёддошти тафоҳуми мазкур- ин муайян намудани шартҳои ҳамкорӣ, нақш ва уҳдадории тарафҳо барои идора ва татбиқи Лоиҳаи Тоҷикистону Швейтсария оид ба моликияти зеҳнӣ мебошад.
Бояд зикр намуд, ки Лоиҳаи Тоҷикистону Швейтсария оид ба моликияти зеҳнӣ- ин нахустин лоиҳа дар Ҷумҳурии Тоҷикистон дар соҳаи моликияти зеҳнӣ мебошад.
Лоиҳаи мазкур аз ҳамкориҳои стратегии Тоҷикистону Швейтсария асос ёфта, барои дастгирии фаъолияти мақомоти дахлдор дар соҳаи моликияти зеҳнӣ дар Тоҷикистон равона шудааст.
Лоиҳаи Тоҷикистону Швейтсария оид ба моликияти зеҳнӣ дар давоми се сол амал менамояд ва хароҷоти он 1 миллион франки Швейтсарияро дар бар мегирад, ки он аз тарафи Ҳукумати Швейтсария ҳамчун кумаки бе бозгашт пардохт мешавад.
Имрӯз дар баъзе минтақаҳои Тоҷикистон омадани сел пешгӯӣ мешавад
Дар шаҳри Турсунзода бо сарбозони дидбонгоҳҳои сарҳадӣ вохӯрӣ доир шуд
Имрӯз дар баъзе ноҳияҳои Тоҷикистон борони бошиддат меборад
Наврасону ҷавонони ноҳияи Мурғоб дар ҳашари экологии «Соҳили тоза-2026» иштирок намуданд
«МегаФон Тоҷикистон»: Касбу кор аз хазина оғоз меёбад
Хайриддин Усмонзода бо роҳбари Маркази минтақавии СММ оид ба дипломатияи пешгирикунанда барои Осиёи Марказӣ вохӯрӣ намуд
ҚУДРАТЕ, КИ МУРДАХОКИ ЗОРИ НАМРО ЗИНДА КАРД. Андешаҳо дар мавриди ба Ватан баргардонидани хоки оромгоҳи фарзандони фарзонаи миллат
Имрӯз дар баъзе минтақаҳои Тоҷикистон борони дорои хусусияти селӣ пешгӯӣ мешавад
Имрӯз дар қисми зиёди ноҳияҳои Тоҷикистон омадани сел дар назар аст
Муовини Сарвазири Тоҷикистон дар ноҳияи Ёвон бо ҷараёни корҳои бартарафсозии оқибатҳои офати табиӣ шинос шуд
Ҷаласаи ташкилоти ибтидоии «Оморчиён»-и Ҳизби Халқии Демократии Тоҷикистон баргузор гардид
Сафири Тоҷикистон бо Раиси Суди иқтисодии ИДМ мулоқот намуд
