Баргузории силсилачорабиниҳои варзишӣ

 
Душанбе, 21.06.2014. (АМИТ «Ховар», Зарангези Латиф).- Дар доираи  силсилаи тадбирҳо  бахшида ба Рӯзи Ваҳдати миллӣ аз 26-ум то 30-юми июни соли ҷорӣ дар ноҳияи Ашти вилояти Суғд мусобиқаи ҷумҳуриявии волейбол миёни духтарони соли таваллуди 1998-2000 ва 26-27-уми июн дар толори «Ҷашнӣ»-и шаҳри Хуҷанд мусобиқаи ҷумҳуриявии карате-кёкушинкай,  21-22-юми июн дар муассисаи давлатии «Мактаби ҷумҳуриявии маҳорати олии варзишӣ оид ба намудҳои гӯштин»-и шаҳҳи Душанбе мусобиқаи ҷумҳуриявии дзюдо миёни наврасони соли 1997-1998,  24-28 июн дар Мактаби махсуси кӯдакону наврасони захираҳои олимпиии №5 мусобиқаи ҷумҳуриявии баскетбол миёни наврасони солҳои таваллуди  1992-2002 доир мегардад.  
Ба иттилои дафтари матбуоти Кумитаи ҷавонон, варзиш ва сайёҳӣ дар чорабинӣ иштироки дастаҳои ВМКБ, Суғд, Хатлон, Душанбе, шаҳру навоҳии тобеи марказ ва минтақаи Рашт дар назар аст.