Баррасии ҳамкориҳои геологӣ бо Финляндия

Душанбе, 04.06.2014. (АМИТ «Ховар», Мавҷуда Анварӣ). —   Чанде пеш ҳайати Тоҷикистон таҳти роҳбарии Азим Иброҳим — муовини Сарвазири ҷумҳурӣ ва ҳайати Финляндия дар Ҳелсинки ҳамкориҳои ду кишварро дар бахши иктишофу геология баррасӣ карданд. Самтҳои нави ҳамкорӣ аз қисматҳои асосии бунёди пойгоҳи геологии минтақавии Тоҷикистон дар шабакаи интернетӣ, рақамгузории матлабҳои хазинаи   Саридораи геологияи назди Ҳукумати Тоҷикистон  ва омӯзиши равандҳои хатарноки табиӣ иборат буданд. 
Ҳадаф аз таъсиси пойгоҳи геологӣ рӯнамоии захираҳои табиии кишвар ба ҷаҳониён бо мақсади ҷалби сармояи хориҷӣ ба иқтисоди мамлакат мебошад.