Баррасии масоили гурезаҳо дар мулоқоти Р. Раҳимзода бо К. Аллен
Душанбе, 09.06.2014. (АМИТ «Ховар», Мавҷуда Анварӣ). -7-уми июни соли ҷорӣ вазири корҳои дохилии Тоҷикистон Раҳимзода Рамазон Ҳамро бо роҳбари Намояндагии Раёсати Комиссари Олии СММ оид ба гурезаҳо дар Тоҷикистон Кевин Аллен мулоқот намуд.
Дар ҷараёни мулоқот ҷонибҳо масъалаҳои гурезаҳо, шахсони паноҳҷӯянда ва бешаҳрвандиро мавриди баррасӣ қарор дода, изҳор намуданд, ки ҳамкориҳоро дар ин самт боз ҳам густариш мебахшанд.
Рамазон Раҳимзода зикр намуд, ки Вазорати корҳои дохилии Тоҷикистон ҳамчун мақоми ваколатдор оид ба ташкил ва ба танзим даровардани фаъолият дар самти муайян намудани мақоми гуреза чораҳои зарурӣ меандешад. Дар сохтори Вазорат шӯъбаи алоҳида оид ба масоили гурезаҳо ва шахсони паноҳҷӯянда ва бешаҳрвандӣ фаъолият менамояд, ки онҳоро ба қайд гирифта, аризаю дархости онҳоро мутобиқи қонунгузории кишвар баррасӣ менамояд.
Ҷонибҳо оид ба лоиҳаи алоҳидаи Қонуни ҶТ «Дар бораи гурезаҳо» табодули афкор намуданд. Иброз гардид, ки лоиҳаи қонуни мазкур аз ҷониби гуруҳи кории байниидоравӣ дар таҳрири нав коркард шуда, ба Парлумони кишвар ирсол гардидааст.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
