Баррасии масоили муҳоҷирати меҳнатӣ бо аҳолӣ

Душанбе, 23.06.2014. (АМИТ «Ховар», Лайло Тоирӣ).-   Бо ташабусси Раёсати Хадамоти муҳоҷирати Вазорати меҳнат, муҳоҷират ва шуғли аҳолӣ дар шаҳри Душанбе ва шаҳру ноҳияҳои тобеи ҷумҳурӣ ҳафтаи гузашта дар ноҳияи Шаҳринав ва шаҳри Турсунзода бо фаъолони ҷамоатҳо ва маҳаллаҳо вохӯриҳо баргузор гардид.
Бино ба иттилои шуъбаи робита бо ҷомеаи Хадамоти муҳоҷират дар вохӯрии   ҷамоатҳои Шаҳринав ва Сабои ноҳияи Шаҳринав, Регар, Пахтаобод ва Навободи шаҳри Турсунзода зиёда аз 500 нафар иштирок доштанд. Яке аз мавзуъҳои асосии вохӯриҳо  масъалаи муҳоҷирати меҳнатӣ буд, ки дар алоқамандӣ бо дигаргун шудани қонунгузории муҳоҷирати Федератсияи Русия муҳокима гардид.