Баррасии вазъи муҳоҷирати меҳнатӣ дар Суғд

Душанбе,12.06.2014. (АМИТ «Ховар», Лайло Тоирӣ).- 11 июни соли равон машварати кории навбатии назди сардори Раёсати Хадамоти муҳоҷирати Вазорати меҳнат, муҳоҷират ва шуғли аҳолии Ҷумҳурии Тоҷикистон дар вилояти Суғд доир гардид. Бино ба иттилои шуъбаи робита бо ҷомеаи Хадамоти муҳоҷират, дар машварат сардорони шӯъбаҳо ва масъулини гузаргоҳҳои наздисарҳадӣ оид ба корҳои иҷрошуда маълумот доданд.Сардори шӯъбаи таҳлил ва бақайдгирӣ аҳли толорро бо қарорҳои Прокуратураи вилоят шинос намуд. Зикр гардид, ки мутахассисони ҷавонону навкор барои баланд бардоштани сатҳи маърифати ҳуқуқӣ ва малакаи кориашон ҷалб гарданд.