Бинои нави суд дар Шуғнон

Душанбе, 2.06.2014. (АМИТ «Ховар», Муқаддас Темурзода). — Ба наздикӣ дар ноҳияи Шуғнони Вилояти Мухтори Кўҳистони Бадахшон бинои нави суд ба истифода дода шуд.
Тавре ки Шӯрои адлияи ҶТ хабар медиҳад, бахшида ба он, дар маркази ноҳияи мазкур бо иштироки раиси Шўрои адлияи Ҷуҳурии Тоҷикистон Азиззода Зафар Нусрат, роҳбарияти мақомоти иҷроияи маҳаллии ҳокимияти давлатии ВМКБ, кормандони суду мақомоти ҳифзи ҳуқуқ ва сокинони ноҳия ҷамъомади тантанавӣ баргузор гардид.
 Раиси Шўрои адлия зикр кард, ки маҳз ба шарофати истиқлолияти давлативу ваҳдати миллӣ имконият фароҳам шуд, то ки арзишҳои бузурги таърихии кишвар нигаҳдорӣ ва пешкаши оламиён гарданд. 
 Бояд зикр намуд, ки Сарқонун риояи ҳуқуқу озодиҳои шаҳрвандонро кафолат медиҳад ва яке аз мақомоти ҳифзкунандаи ҳуқуқу озодиҳои инсон — ҳокимияти судӣ эътироф гардидааст. Аз ин лиҳоз, аз ҷониби Ҳукумати ҷумҳурӣ ҷиҳати амалӣ гаштани ин кафолатҳои конститутсионӣ тадбирҳои назаррас андешида мешаванд.
Дар фарҷом З. Азиззода ба роҳбарият ва Дирексияи сохтмонии назди Президенти ҷумҳурии Тоҷикистон, ширкатҳои сохтмонии ҶДММ «Монолит 2011» ва  Маркази муҳоҷирати меҳнатии «Ғафурӣ», кормандони мақомоти иҷроияи маҳаллии ҳокимияти давлатии ноҳияи Шуғнон, ки дар эъмори иншооти мазкур саҳм гузоштаанд, барои сохтмони чунин як бинои зебою замонавӣ изҳори сипос баён намуд.