Бурди футболбозони навраси тоҷик дар Ҷоми Президенти Қазоқистон
Душанбе, 30.06.2014. (АМИТ «Ховар», Ситораи Боймурод).- Дар шаҳри Остона бозии дастаҳои футболи то 16-солаи Тоҷикистону Қазоқистон барои ҷои сеюм дар Ҷоми Президенти Қазоқистон доир шуд. Тавре сомонаи Федератсияи футболи кишвар хабар медиҳад, 29 июн замони асосии ин бозӣ бо ҳисоби мусовии 1-1 поён ёфт. Дар задании силсилаи пеналтӣ футболбозони навраси тоҷик бо ҳисоби 4:3 ғалаба карда, мақоми севумро касб намуданд. Мунтахаби наврасони Тоҷикистон бо медалҳои биринҷӣ ва 4 ҳазор доллари ИМА мукофотонида шуд.