Дарёфти ҷасади шахси номаълум

30.06.2014. (АМИТ «Ховар», Лайло Тоирӣ).- 28 июни соли ҷорӣ истиқоматкунандагони деҳаи Гулистони ҷамоати деҳоти Сангтӯдаи ноҳияи Данғара Амиршо Қурбонов, соли таваллудаш 2004 ва Содиқ Ҳамроев, соли таваллудаш 1979 ҳангоми моҳигирӣ дар дарёи Вахш ғарқ шуданд. Бино ба иттилои Кумитаи ҳолатҳои фавқулоlда ва мудофиаи гражданӣ моҳигирон дар натиҷаи вазидани шамоли сахт аз болои балони дамкардашуда ба дарё афтидаанд. Дар натиҷаи корҳои ҷустуҷўӣ худи ҳамон рўз ҷасади Содиқ Ҳамроев аз тарафи аҳолии деҳоти мазкур дарёфт гардид. Айни замон корҳои ҷустуҷўии ҷасади Қурбонов Амиршо идома дорад. Рӯзи 29 июн бошад, аз тарафи наҷотдиҳандагони Маркази наҷотдиҳӣ ва дастаи зудамали Ситоди шаҳри Душанбе ҷасади шахси номаълум дарёфт гардида, ба кормандони ҳифзи ҳуқуқ супорида шуд.