Дастаи наврасони Тоҷикистон дар ҷойи чорум

Душанбе, 06.06.2014. (АМИТ «Ховар», Пайрави  Қосим). – 5 июн  дар  шаҳри  Боку дар  ҳошияи мусобиқоти байналмилалӣ  барои  дарёфти Ҷоми Хазар – 2014  вохӯрии байни  дастаҳои  мунтахаби наврасони  (U-17) Озарбойҷону  Тоҷикистон  барои  дарёфти  ҷойи  сеюм  баргузор  гардид.
Тавре  ки  аз  Федератсияи  футболи  Тоҷикистон   хабар  доданд, ин  вохӯрӣ бо  ҳисоби  4:0 ба  фоидаи  соҳибони  майдон  анҷом  ёфт. Баъд  аз  ин  дар  вохӯрии  ниҳоӣ  дастаҳои  Эрону  Туркия  қувваозмоӣ  намуда, бозӣ  бо  ҳисоби 1:0 ба  фоидаи дастаи  мунтахаби  Эрон  анҷом  ёфт.
Дастаи  мунтахаби наврасони  Тоҷикистон  бо  роҳбарии  сармураббӣ  Салоҳиддин  Ғафуров  дар  ин  мусобиқот, ки дар  он  12  дастаҳои мунтахаби  кишварҳои  ҷаҳон  иштирок доштанд,  мақоми  чорумро  касб  намуд. 
Хотирнишон  месозем, ки  соли  гузашта  футболбозони  мо  дар  мусобиқоти  шаҳри  Боку ҷойи  нуҳумро  ишғол  карда буданд.