Иштироки футболбозони ҷавони ҶТ барои дарёфти Ҷоми президенти Қазоқистон
Душанбе, 09.06.2014. (АМИТ «Ховар», Пайрави Қосим). — Қуръапартоии мусобиқоти байналмилалӣ барои дарёфти Ҷоми президенти Қазоқистон байни дастаҳои мунтахаби навраси синнашон то 17 баргузор гардид. Дар ин мусобиқот дастаи Тоҷикистон низ иштирок менамояд.
Тавре ки аз Федератсияи футболи Тоҷикистон хабар доданд, мусобиқа аз 25 то 29 июн дар пойтахти Қазоқистон шаҳри Остона баргузор мегардад. Аз рӯи натиҷаи қуръапартоӣ дастаи мунтахаби наврасони Тоҷикистон дар гурӯҳи «В» мавқеъ гирифта, бо дастаҳои Испаниё, Эрон ва Озарбойҷон вомехӯрад.
Қобили зикр аст, ки чанде пеш дастаи мунтахаби наврасони Тоҷикистон дар мусобиқоти байналмилалӣ барои дарёфти Ҷоми Хазар — 2014 бо ҳамсолони худ аз Озарбойҷон барои касб намудани мақоми сеюм бо ҳисоби 0:4 мағлуб шуда буд.
Дар гурӯҳи «А» барои дарёфти Ҷоми президенти Қазоқистон наврасони Гурҷистон, Қирғизистон, Чин ва Қазоқистон қувваозмоӣ менамоянд.
Имрӯз дар ноҳияҳои кӯҳии Тоҷикистон ҳаво то 35 дараҷа гарм мешавад
Имрӯз дар Вазорати рушди иқтисод ва савдо, Бонки миллӣ ва Агентии омор нишасти матбуотӣ баргузор мегардад
Дар Данғара таҳти унвони «Ҷомеаи солим маҳсули оилаи солим аст» иқдоми маърифатӣ доир шуд
4945 ҳолати вайронкунии қонунгузории замин дар маҳал бартараф карда шуд
Имрӯз дар водиҳои Тоҷикистон ҳаво то 40 дараҷа гарм мешавад
Имрӯз дар шаҳри Душанбе ҳаво то 44 дараҷа гарм мешавад
Имрӯз дар водиҳои Тоҷикистон ҳаво то 43 дараҷа гарм мешавад
ДАР МАСИРИ ИЛМУ МАЪРИФАТ. Эҳдо ба рӯзи таъсисёбии Коллеҷи омори шаҳри Ваҳдат
