Истироҳати мактаббачагон дар «Гулхан»

Душанбе, 19.06.2014. (АМИТ «Ховар», Мавҷуда Анварӣ).-Бо анҷоми соли хониш мактаббачаҳои шаҳри Душанбе дар лагерҳои беруназшаҳрии «Зимчурӯд», «Гулхан», «Шарора» ва «Орзу», ки дар тавозуни раёсати маорифи шаҳрдорианд, бо истироҳати хуши тобистона фаро гирифта шуданд. Беш аз 200 нафар мактабиён ва 20 дастпарвари мактаб — интернати № 1-и ноҳияи Синои пойтахт дар лагери тобистонаи «Гулхан» истироҳат мекунанд. Барои фароғати хуши онҳо дар ин ҷо шароитҳо муҳайёанд, ҳавзҳои шиноварӣ, майдончаҳои варзишӣ, ошхона ва ҳуҷраҳои фароғатӣ хуб таъмиру навсозӣ шудаанд. Мураббиён барои истироҳаткунандагон бозиҳои варзишӣ, викторина, сайру саёҳат ва барномаҳои дигари шавқовар омода намудаанд.