Ивази 1,2 км қубури об дар Гули Сурх

Душанбе, 25.06.2014. (АМИТ «Ховар», Ситораи Боймурод).- Ба ифтихори 17-умин солгарди Ваҳдати миллӣ ва эҳёи Тоҷикистон бо ташаббуси аъзои Ҳизби халқии демократии Тоҷикистон дар шаҳри Истаравшан зиёда аз 1,2 км қубури оби нӯшокие, ки солҳои 70-уми асри гузашта хобонда шуда буд, дар деҳаи Маҳаллаи Ясии ҷамоати деҳоти Гули Сурх бо маблағи 80 ҳазор сомонӣ пурра иваз шуд. Ба иттилои мавсуф, ҳамчунин мактаби таҳсилоти миёнаи умумии №13 бо кумаки аҳли маҳалла аз таъмири хушсифат бароварда шуда, 4 синфхона бо иқдоми соҳибкор Ҳомид Мӯъминов ба маблағи 240 ҳазор сомонӣ ба истифода дода шуд.Ҳомид Мӯъминов мегӯяд, ки барномаи вилоятии «Соли 2014 — соли роҳҳои обод» — ро сармашқи кори худ намуда, онҳо 4 км роҳҳои дохилиро низ аз таъмири хушсифат мебароранд. Бо ин мақсад аллакай зиёда аз 2500 тонна шағал ва 70 тонна битум омода шудааст.Дар ин бора аз хадамоти матбуоти раиси вилояти хабар доданд.