Кӯмаки IFC барои беҳдошти қонун дар бораи тафтиши корхонаҳо
Душанбе, 10.06.2014. (АМИТ «Ховар», Марҳабои Азамат). – Корпоратсияи байналмилалии молиявӣ (IFC) — узви гурӯҳи Бонки ҷаҳонӣ ба Ҳукумати Тоҷикистон барои таҳияи қонуни нав ҷиҳати беҳдошти раванди тафтиши корхонаҳо кӯмак мекунад. Ин имкон медиҳад, ки шумораи маъмурони корхонаҳо ва хароҷоти онҳо хеле кам карда шавад. Дар ин бора аз дафтари IFC дар Тоҷикистон ба АМИТ «Ховар» хабар доданд.
Корпоратсияи байналмилии молиявӣ зимни ҳамкорӣ бо Кумитаи давлатии сармоягузорӣ ва идораи амволи давлатии Ҷумҳурии Тоҷикистон бахшида ба лоиҳаи қонуни нав мизи мудаввар доир менамояд. Ислоҳоти қонуни мазкур дар бораи тафтишот, ки онро гурӯҳи кории ҳукумат бо назардошти машваратҳо бо Корпоратсияи байналмилалии молиявӣ таҳия намудааст, қонуни зикршударо мукаммал месозад. Ин имкон медиҳад, ки корхонаҳо дар панҷ сол на зиёдтар аз як маротиба тафтиш карда шаванд.
Ин ибтикорот ҷузъи саъю кӯшишҳои Корпоратсияи байналмилалии молиявӣ ҷиҳати беҳдошти вазъи сармоягузорӣ бо василаи расонидани таъсир ба сармояҳо ва коҳиш додани хароҷот бо риояи талаботи соҳибкорӣ маҳсуб меёбад.
Барномаи Осиёи Марказӣ ҷиҳати беҳдошти вазъи сармоягузорӣ ба туфайли дастгирии молиявии ҳукумати Швейтсария ва Раёсати Шоҳигарии Муттаҳида оид ба рушди байналмилалӣ имконпазир гардид.








МегаФон Тоҷикистон: МегаҚувва гигабайтҳоро дучанд менамояд
Имрӯз дар водиҳои Тоҷикистон ҳаво то 22 дараҷа гарм мешавад
Ҳамкории Тоҷикистон ва Созмони ҳамкории иқтисодӣ баррасӣ гардид
Дар Кумитаи хоҷагии манзилию коммуналӣ бахшида ба Рӯзи Президент чорабинии тантанавӣ баргузор гардид
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад






