Коркарди дубораи партовҳо
Душанбе, 7.06.2014. (АМИТ «Ховар», Раъно Нусратуллозода).-Бахшида ба Рӯзи байналмилалии ҳифзи муҳити зист бо ташаббуси Маркази дастгирии ҷавонони болаёқати Донишгоҳи давлатии омӯзгории Тоҷикистон ба номи С.Айнӣ дар саҳни донишгоҳ байни донишҷӯёни факултаҳо озмуни «Як рӯзи тозагӣ ва истифодаи дубораи партовҳо» доир гардид.
Тавре ки котиби матбуоти донишгоҳ Бахтиёри Абдураҳим ба АМИТ «Ховар» иттилоъ дод, муовини ректор оид ба корҳои илмӣ Бобоҷон Самиев изҳор кардааст,ки ҳифзи муҳити зист аз ҳама ҷиҳат муҳим асту вазъи экологии моро хуштар нигоҳ медорад. Барои ин, мо бояд ба тозагӣ ва ҳифзи неъматҳои табиӣ диққати ҷиддӣ диҳем. Мувофиқи гуфтаҳои ӯ дар бисёре аз давлатҳо танҳо аз партовҳо чандин намуди маҳсулот истеҳсол мешавад, ки ба ин масъала олимони мо низ диққати ҷиддӣ дода истодаанд.
Мутобиқи шартҳои озмун гурӯҳҳо аз ҳар факулта ба маҳалҳои муайяншуда сафарбар гардиданд, то дар муддати як соати вақти ҷудошуда ин мавзеотро аз назар гузаронида, партов ҷамъ кунанд ва аз он маҳсулот омода созанд. Дар муддати муқаррашуда донишҷӯён асбобҳои аз партов тайёркардаашонро, ки аз навгониҳое ба монанди нусхаи мошин, ашёи шамолдиҳандаву ба кори дуредгарӣ мувофиқ ва дигар намуди коркардҳо иборат буданд, ба маърази намоиш гузоштанд. Аз рӯи натиҷаи баҳои ҳакамон ҷойи якум ба факултаи химия, ҷойи дуюм ба факултаи технология ва соҳибкорӣ ва ҷойи сеюм ба факултаи педагогика насиб гардид. Ғолибон соҳиби туҳфаҳо гаштанд. Ҳамчунин, ба ду нафар духтари факултаи педагогика барои ҳавасмандгардонӣ ифтихорнома дода шуд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






