Кумаки судҳо ба мактаб-интернати Роштқалъа

Душанбе, 30.06.2014. (АМИТ «Ховар», Мавҷуда Анварӣ).- 26 июн аз ҷониби Шӯрои адлия, судҳои ноҳияҳои Сино, Исмоили Сомонӣ, Фирдавсӣ, Шоҳмансур-и пойтахт ва Рӯдакӣ, инчунин судҳои шаҳру ноҳияҳои вилоятҳои Хатлону Суғд бахшида ба ҷашни 17-умин солгарди Ваҳдати миллӣ ба интернати давлатии назди муассисаи таҳсилоти миёнаи умумии рақами 26-и ноҳияи Роштқалъа ашёи ошхона ва хона ба маблағи 27 ҳазору 184 сомонӣ кумаки хайриявӣ расонида шуд.Аз Шӯрои адлия ба АМИТ «Ховар» хабар доданд, ки дар ин мактаб-интернат 55 нафар тарбиягиранда таълим мегиранд, ки аз ин шумора 21 нафари онҳо падар ё модар надошта, 34 нафари дигар аз оилаҳои камбизоат мебошанд.