Медалҳои ҷашнии Сафорати Белоруссия ба тоҷикон

Душанбе, 20.06.2014.(АМИТ «Ховар», Екатерина Пасторова). Маросими супоридани медалҳои ҷашнии «70-солагии озод  кардани Ҷумҳурии Белорус» дар сафорати Белоруссия дар Тоҷикистон баргузор гардид.
Медалҳои ҷашнӣ ба 5 шаҳрванди Тоҷикистон барои ширкати фаъолашон дар озод  кардани Белоруссия аз фашистон дар солҳои Ҷанги Бузурги Ватанӣ: Кофтун Леокадия, Черкасский Петр, Умаров Мелибой, Расулов Халил, Нуров Раҷаб  супурда шуд. 
«Ман миннатдорам, ки  ҳамаи ин ҳоло ҳам фаромӯш нашудааст. Дар ин рӯз ман  мехостам ба ҳама сулҳ ва оромиро таманно намоям , то дар кишварамон дигар ҷанг нашавад», — гуфт собиқадори ҷанг ва яке аз озодкунандагони Белоруссия Леокадия Кофтун.
Сафири Белоруссия дар Тоҷикистон Ольга Гаврук ба ҳамаи иштирокчиён изҳори миннатдорӣ намуда, ба собиқадорои ҷанг медалҳои ҷашнӣ ва тӯҳфаҳои хотирмонро супорид.