Муҳоҷирони тоҷик ба шиносномаҳои хориҷӣ зарурат доранд
Душанбе, 30.06.2014. (АМИТ «Ховар», Лайло Тоирӣ). – Шаҳрвандони Тоҷикистон аз соли 2015 бо доштани фақат шиносномаҳои хориҷӣ ба Федератсияи Русия сафар мекунанд. Тавре ки сармутахассиси Раёсати Хадамоти муҳоҷирати Вазорати меҳнат, муҳоҷират ва шуғли аҳолии ҶТ дар шаҳри Душанбе ва ноҳияҳои тобеи ҷумҳурӣ Равон Мерганов хабар дод, акнун қарори Ҳукумати Федератсияи Русия, ки мувофиқи он шаҳрвандони Тоҷикистон метавонистанд дар асоси шиносномаи шаҳрванди Ҷумҳурии Тоҷикистон ба Федератсияи Русия рафтуомад кунанд, аз эътибор соқит шудааст. Сарвазири Русия Дмитрий Медведев қарор «Дар бораи тағйири феҳрасти ҳуҷҷатҳо барои тафтуомади шаҳрвандони Ҷумҳурии Тоҷикистон ва Федератсияи Русия», — ро имзо намуд. Лоиҳаи қарорро Хадамоти федералии муҳоҷирати Русия таҳия намудааст. Мувофиқи маълумоти Хадамоти муҳоҷирати ҶТ, қарор аз 17 июни соли 2014 муайян мекунад, ки шаҳрвандони Тоҷикистон фақат бо шиносномаҳои хориҷӣ, хидматӣ, дипломатӣ, шиносномаи баҳрнавард ва шиносномаи бозгашт ба Федератсияи Русия рафтуомад карда метавонанд.Ба Ҳукумати Русия супориш дода шуда буд, ки бо ҳукуматҳои давлатҳои аъзои ИДМ (ба истиснои давлатҳои аъзои Иттиҳоди гумрукӣ ва фазои ягонаи иқтисодӣ) дар бораи на дертар аз соли 2015 муайян кардани тартиби рафтуомади шаҳрвандони ин давлатҳо ба Русия тибқи шиносномаҳои хориҷӣ гуфтушунид намояд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
