Муаммоҳои муосири математика ва методикаи таълими он
Душанбе, 30.06.2014. (АМИТ «Ховар», Раъно Нусратуллозода).-Конфронси байналмилалии «Муаммоҳои муосири математика ва методикаи таълими он», ки бахшида ба 20-солагии Конститутсияи Ҷумҳурии Тоҷикистон ва 60-солагии олимони соҳаи математика Абулқосим Муҳсинов, Акбар Нозимов, Саттор Байзоев, Дилбар Осимова ва Қамариддин Тӯхлиев 28-29 июн дар Донишгоҳи давлатии Хуҷанд ба номи академик Б. Ғафуров баргузор гардид.Тавре сардори маркази иттилоот ва таҳлили Раёсати донишгоҳ Маъмури Юсуфзод иттилоъ дод, дар конфронс муовини раиси Мачлиси намояндагони Мачлиси Олии Ҷумҳурии Тоҷикистон, академик Мерган Шабозов, муовини раиси вилояти Суғд Раъно Бобоҷонова, академикҳои Академияи илмҳои Ҷумҳурии Тоҷикистон Нусрат Раҷабов, Мамадшо Илолов, академики Академияи таҳсилоти Тоҷикистон Мансур Нуъмонов, инчунин устодон ва муҳаққиқони ҷавон аз макотибҳои олии кишвар ва дигар муассисаҳои илмӣ ва таълимии кишвар ширкат доштанд.Мерган Шабозов зикр намуд, ки баргузории чунин конфронси байналмилалӣ имкон медиҳад, ки таваҷҷуҳи ҷавонон ба илми математика афзун гардида, ба ин васила эшон дар рушду тараққиёти кишвар саҳми муносиб мегузоранд.Раъно Бобоҷонова афзуд, ки математика — маликаи фанҳост, бедор намудани шавқи ҷавонон ба илмҳои дақиқ талаби замон буда, соҳаҳои мухталифи хоҷагии халқи вилоят ба чунин мутахасисон ниёзмандии бештар дорад.Сипас, дар баромадҳои пленарӣ маърӯзаҳои декани факултаи таърих ва ҳуқуқи Донишгоҳи давлатии Хуҷанд Шавкат Шарипов, академикони Академияи илмҳо Мерган Шабозов, Мамадшо Илолов, Нусрат Раҷабов, узви вобастаи Академияи таҳсилоти Тоҷикистон Мансур Нуъмонов шунида шуд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
