Мухаддирот дар қубури обгузар

Душанбе, 30.06.2014. (АМИТ «Ховар», Мавҷуда Анварӣ).- Ҳафтаи сипаригардида дар шаҳри Хуҷанд кормандони Раёсати Агентии назорати маводи нашъаовар дар вилояти Суғд сокини 37-солаи маҳаллиро дастгир карда, аз ӯ халтаи селофаниро бо маводи нашъаовари ҳашиш ошкор намуданд.Инчунин дар хонаи дастгиршуда кофтуков гузаронида, аз дохили қубури обгузар махфигоҳ ошкор гардид, ки дар дохили он қариб 3 кг маводи нашъаовари ҳашиш ва героин пинҳон карда шуда буд.Аз рӯи ҳодисаи мазкур парвандаи ҷиноӣ оғоз гардида, тафтишот давом дорад.