Мулоқоти Ш.Саид бо Лонг Пенг Фу

Июнь 23, 2014 11:46

Душанбе, 23.06.2014. (АМИТ «Ховар», Кристина Эрлих). – Ба манзури омодагӣ ба форуми сармоягузорию тиҷоратии аҳли тиҷорати Тоҷикистону Малайзия ва дар ҳошияи ташрифи давлатии Президенти Ҷумҳурии Тоҷикистон Эмомалӣ Раҳмон ба Малайзия 20 июн раиси ПСС ҶТ Шариф Саид дар шаҳри Куала — Лумпур бо Директори генералии Вазорати тиҷорати байналмилалӣ ва саноати Малайзия Лонг Пенг Фу мулоқот намуд. Дар ин бора аз дафтари матбуоти ПСС ҶТ ба АМИТ «Ховар» хабар доданд. Мувофиқи суханони манбаъ, дар ҷараёни мулоқоти судманд масоили муносибатҳои дуҷонибаи тиҷоратию иқтисодии Тоҷикистону Малайзия мавриди муҳокима қарор гирифта, зикр шуд, ки тарафайн ҷонибдори рушду таҳкими ҳамкории мутақобилан муфиди соҳибкорон ва аҳли тиҷорати ҳар ду кишваранд.Зимни мулоқот раиси ПСС ҶТ Шариф Саид аз имкониятҳои тиҷоратию сармоягузорӣ дар Тоҷикистон, заминаи қонунгузорӣ, низоми андозбандӣ, гумрукию бонкӣ ва имтиёзҳо иттилоъ дод. Ба гуфтаи Шариф Саид, лоиҳаҳои сармоягузорӣ, сохтмон, обёрӣ, нақлиёт, тандурустӣ, хоҷагии коммуналӣ ва намоишгоҳу ярмаркаҳо ба ҷонибҳо имкон медиҳанд, ки самтҳои афзалиятноки ҳамкории мутақобилан муфидро рушду густариш дода, дурнамои онро муайян намоянд. Тоҷикистону Малайзия барои рушди муносибатҳои дуҷониба имконияти кофӣ дошта, омодаанд, ки барои комёбӣ дар ин самт саъю кӯшиш намоянд, — гуфт Лонг Пенг Фу. Мавсуф ба масоили ҳамкории истеҳсолкунандагони Тоҷикистон бо Созмони умумиҷаҳонии савдо мароқ зоҳир намуда, фикри раиси Палатаи савдо ва саноати ҶТ – ро дар мавриди рушду густариш бахшидани муносибатҳои тиҷоратию иқтисодӣ ва сармоягузорӣ дастгирӣ кард.

Июнь 23, 2014 11:46

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид