Мусобиқаи ҷумҳуриявии кӯҳнавардӣ дар Варзоб

Душанбе, 02.06.2014. (АМИТ «Ховар», Руќияи Боймамад). — 7-8 июн дар лагери кӯҳнавардии Варзоб, воқеъ дар  километри 54-уми роҳи ноҳияи Варзоб  мусобиқаи ҷумҳуриявии кӯҳнавардии варзишӣ  миёни наврасон, ҷавонон ва калонсолон доир мегардад. 
Дар чорабинӣ  иштироки дастаҳои ВМКБ, Суғд, Хатлон, Душанбе, шаҳру навоҳии тобеи марказ дар назар аст.
Ҳамчунин 13-14 июн мусобиқаи ҷумҳуриявии гӯштини миллӣ ба хотираи Қаҳрамони Тоҷикистон Нусратулло Махсум доир мегардад. Дар чорабинӣ дастаҳои Хатлон, Душанбе, Рашт ва шаҳру навоҳии тобеи марказ ширкат хоҳанд кард.
Ҳамзамон 17-18 июн дар шаҳри Хуҷанд мусобиқаи ҷумҳуриявии гӯштини юнонию румӣ байни калонсолон барои дарёфти чоми Мурабббии шоистаи Ҷумҳурии Тоҷикистон М. Қутфуддинов   доир мегардад. 
Дар ин бора аз Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон хабар доданд.