Мусобиқоти футболбозони ҷавон

Душанбе, 25.06.2014. (АМИТ «Ховар», Пайрави Қосим). — Дар шаҳри Душанбе мусобиқоти ҷумҳуриявӣ оид ба футбол байни кӯдакони соли таваллудашон 2000 — 2001 ба хотири ёдбуди Мураббии хизматнишондодаи Тоҷикистон Арнолд Тер — Казарян идома дорад.Тавре ки аз Федератсияи футболи Тоҷикистон хабар доданд, дар мусобиқот ҳашт даста иштирок дорад. Дастаҳои иштирокдорони мусобиқот ба ду гурӯҳ тақсим шудаанд. Ба гурӯҳи «А» дастаҳои «Суғд — 1» — и Хуҷанд, «Душанбе — 1» (гурӯҳи ноҳияҳои тобеи ҷумҳурӣ) ва «Хатлон — 2» — и шаҳри Кӯлоб шомиланд. Гурӯҳи «Б» иборат аз дастаҳои «Суғд — 2» (ноҳияи Ҷаббор Расулов), «Рашт», «Хатлон — 1» (шаҳри Қӯрғонтеппа), «Душанбе — 2» мебошад.Вохӯриҳои ниҳоии мусобиқоти рӯзи ҷумъаи 27 июн баргузор мешаванд.