Мусодираи беш 111 кг бангдона дар Суғд

Душанбе, 12.06.2014. (АМИТ «Ховар», Мавҷуда Анварӣ).-Рӯзҳои 9-10 июни соли 2014 ҳангоми гузаронидани амалиёти “Кукнор-2014” аз ҷониби кормандони мақомоти корҳои дохилӣ дар вилояти Суғд миқдори зиёди ниҳолҳои худрӯи “бангдона” дарёфт ва мусодира шуд.Аз ҷумла, дар заминҳои хоҷагии кишоварзии ҷамоати деҳоти Палоси шаҳри Чкалов 2010 бех, аз хоҷагии деҳқонии Дилшоди ноҳияи Конибодом 2000 бех ва аз хоҷагии деҳқонии Мақсудахони ҳамин ноҳия 1000 бех, аз ҳудуди заминҳои бригадаи №3-и ҷамъияти саҳҳомии Э. Бойматови ин ноҳия 30 000 бех, аз ҳудуди заминҳои ёрирасони шаҳрванд Зинат Абдуманоноваи 44 сола, сокини ноҳияи Ҷаббор Расулов 520 бех, аз ҳудуди заминҳои ёрирасони шаҳрванд Олимҷон Қобилов, соли таваллудаш 1947, сокини ноҳияи зикргардида 835 бех ва аз ҳудуди заминҳои хоҷагии деҳқонии Пирматови ҳамин ноҳия 2100 бех ниҳоли худрӯйи бангдона дарёфт гардид.Дар маҷмуъ тайи ин ду рӯз 38 ҳазору 465 бех ниҳоли худрӯи бангдона, ки вазнашон 111 килою 614 граммро ташкил медиҳад, дарёфт ва мусодира шуд.