Мусоидати ИМА ба таҳлили далелҳои шайъӣ дар Тоҷикистон

Душанбе,12.06.2014. (АМИТ «Ховар»,Фарзона Достонзода).- Имрӯз Сафорати Иёлоти Муттаҳидаи Амрико дар Тоҷикистон таҷҳизоти навро ба Маркази ҷумҳуриявии экспертизаи судӣ ва криминалистии Вазорати адлияи Тоҷикистон тақдим намуд.Тавре ба АМИТ «Ховар» аз Сафорати ИМА дар Тоҷикистон иттилоъ доданд, ин иқдом иқтидори лабораторияи криминалистиро ҷиҳати коркард ва таҳлили далелҳои шайъӣ дар ҷои содиршавии ҷиноят баҳри фаъолияти мақомоти ҳифзи ҳуқуқи Тоҷикистон баланд мебардорад.Маврид ба зикр аст, ки Ҳукумати Иёлоти Муттаҳидаи Амрико тасмим гирифтааст, ки дастгирии сохторҳои ҳифзи ҳуқуқ ва адлияи Тоҷикистонро идома дода, бо Ҳукумати Ҷумҳурии Тоҷикистон дар таъмини амнияти ҳамаи шаҳрвандони он ҳамкорӣ намояд.