Нашри китоби нави сиёсатшиноси тоҷик

Душанбе, 12.06.2014. (АМИТ «Ховар», Мавҷуда Анварӣ).- «Истиқлоли давлатӣ ва гиромидошти забони модарӣ», таҳти чунин унвон нашриёти «Контраст» китоби нави сиёсатшиноси тоҷик Зафар Сайидзодаро аз чоп баровард. Китоб дар бораи муҳимтарин рукни фарҳанги миллӣ — забони тоҷикӣ ва нақши созандаи он дар эҳёи давлатдории навини тоҷикон аст. Муаллиф кӯшидааст андешаҳои худро дар партави суханҳои хирадмандона ва ҳикматомези Сарвари Давлат Эмомалӣ Раҳмон бобати омӯхтан, гиромӣ доштан ва қудрату тавоноии забони тоҷикӣ, иброз намояд. Ин асар баҳри дар зеҳни ҳаммеҳанон, хусусан ҷавонон, парваридани завқи баланди бадеӣ ва хушгуфторӣ мувофиқ мебошад. Китоб барои омӯзгорону донишҷӯён ва доираи васеи дӯстдорони каломи бадеъ пешбинӣ шудааст.