Оғози даври 8-уми лигаи олии футболи Тоҷикистон
Душанбе, 13.06.2014. (АМИТ “Ховар”, Ситораи Боймурод).- Бозиҳои даври 8-уми мусобиқаи қаҳрамонии лигаи олии футболи Тоҷикистон имрӯз шуруъ мешаванд.Ба иттилои Кумитаи миллии олимпӣ имрӯз ду бозӣ байни дастаҳои «Энергетик» (Душанбе) — «Регар-ТадАЗ» (Турсунзода) ва «Далерон-Уротеппа» (Истаравшан) — «Вахш» (Қӯрғонтеппа) барпо мегардад.Ду бозии дигари даври навбатӣ 14-уми июн байни дастаҳои «Истиқлол» (Душанбе) — «Хайр» (Ваҳдат) ва «Хуҷанд» (Хуҷанд) — «Парвоз» (Бобоҷон Ғафуров) сурат мегирад.Бозии охирини даври 8-ум миёни дастаҳои ССКА «Помир» (Душанбе) — «Равшан» (Кӯлоб) 15-уми июни соли равон доир хоҳад шуд. Дар ҷадвали мусобиқа “Истиқлол” бо 19 имтиёз пешсаф буда, ягона дастаест, ки бохт надорад.