Омодагиҳо ба Чемпионати ҷаҳон байни наврасон оид ба таэквондо

Июнь 30, 2014 15:52

Душанбе, 30.06.2014. (АМИТ «Ховар», Зарангези Латиф).- 28-уми июни соли равон нишасти матбуотӣ оид ба рафти омодагӣ ба баргузории Чемпионати ҷаҳон байни наврасон оид ба таэквондо (ITF), ки аз 2-юм то 11-уми августи соли ҷорӣ дар шаҳри Душанбе доир мешавад, баргузор гардид.Дар нишасти матбуотӣ ба саволи рўзноманигорон муовини аввали раиси Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон Кабирҷон Ҷўраев, раиси Федератсияи миллии таэквондо ва кикбоксинги ҷумҳурӣ Мирсаид Яҳёев, ноиби раиси Федератсияи миллии таэквондо ва кикбоксинги ҷумҳӯрӣ Наргис Набиева ва сармураббии дастаи мунтахаби наврасон оид ба таэквондо (ITF) Урунов Фурқат посух доданд.Зимни нишаст зикр гардид, ки бо супориши Президенти Ҷумҳурии Тоҷикистон ва Фармоиши Ҳукумати ҷумҳурӣ барои дар сатҳи баланд баргузор намудани чорабинӣ зиёда аз 600 000 (шашсад ҳазор) сомонӣ маблағ ҷудо гардид, ки аз ҳисоби он тибқи талаботи қонунгузорӣ лавозимот ва хизматрасонии зарурӣ барои чорабинӣ тавассути Агентии хариди давлатии мол, кор ва хизматрасонии назди Ҳукумати Ҷумҳурии Тоҷикистон харидорӣ гардиданд.Барои таъмини сатҳ ва сифати баргузории чорабинӣ аз ҷониби Сарвазири мамлакат Қоҳир Расулзода 6-уми феврали соли 2014 ҳайати Кумитаи тадорукот бо роҳбарии муовини Сарвазири ҷумҳурӣ Марҳабо Ҷабборӣ тасдиқ карда шуд. Инчунин, аз ҳисоби масъулони Кумитаи ҷавонон, варзиш ва сайёҳии назди Ҳукумати мамлакат ва Федератсияи миллии таэквондо ва кикбоксин гурўҳи корӣ ва кумитаи иҷроия таъсис гардидааст. То имрўз 1 ҷаласаи Кумитаи тадорукот, 3 ҷаласаи корӣ дар назди Марҳабо Ҷабборӣ муовини Сарвазир ва зиёда аз 18 ҷаласаи гурўҳи корӣ баргузор карда шуданд.

Июнь 30, 2014 15:52

Хабарҳои дигари ин бахш

Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Имрӯз дар водиҳои Тоҷикистон ҳаво 18 дараҷа гарм мешавад
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид