Парлумон ба қонуни алоқаи почта иловаҳо ворид менамояд

  Душанбе, 02.06.-2014.(АМИТ «Ховар», Марзия Саидзода).-Ду лоиҳаи Қонуни конститутсионии Ҷумҳурии Тоҷикистон 2 июн дар ҷаласаи Шӯрои палатаи поёнии Парлумони кишвар, ки таҳти раёсати Шукурҷон Зуҳуров -раиси Маҷлиси намояндагони Маҷлиси Олии Ҷумҳурии Тоҷикистон  доир гардид, мавриди баррасӣ қарор гирифт. Инҳо лоиҳаи Қонунҳои конститутсионии Ҷумҳурии Тоҷикистон «Дар бораи Суди конститутсионии Ҷумҳурии Тоҷикистон“  ва «Дар бораи судҳои Ҷумҳурии Тоҷикистон“ мебошанд.
    Аз палатаи поёнии Парлумони Тоҷикистон ба АМИТ „Ховар“ иттилоъ доданд, ки ҳамзамон аъзои Шӯро лоиҳаи қонунҳои  Ҷумҳурии Тоҷикистон «Дар бораи шикор ва хоҷагии шикор“    ва  «Оид ба ворид намудани иловаҳо ба Қонуни Ҷумҳурии Тоҷикистон «Дар бораи алоқаи почта“-ро матраҳ намуданд.