Парвози ҳавопаймоҳои «Тоҷик Эйр» ба Русия бештар мегардад

Душанбе, 16.06.2014. (АМИТ «Ховар», Екатерина  Пасторова). – Сар  аз  24  июн парвози  тайёраҳои  ширакати  ҳавопаймоии  «Тоҷик Эйр» ба  шаҳрҳои  Русия, аз ҷумла  ба  хатсайрҳои  Душанбе — Новосибирск,  Душанбе  — Екатеринбург,  Душанбе – Санкт – Петербург  ду  баробар   меафзояд. 
Мувофиқи  маълумоти  ширкати  ҳавопаймоӣ,  аз  24  июн парвози   ҳавопаймоҳо ба  самти  Душанбе  — Новосибирск —  Душанбе рӯзҳои сешанбе  ва  шанбе  сурат  мегирад. Аз  1  июл  ширкати  ҳавопаймоӣ хатсайри  нави  Душанбе —  Екатеринбург – Душанберо рӯи  кор оварданист. Парвози  ҳавопаймоҳо дар  ин  хатсайр  рӯзҳои  сешанбею   панҷанбе  сурат  мегирад. Аз  9  июл тайёраҳои боркаши  ватанӣ  рӯзҳои  чоршанбею  шанбе дар  хатсайри Душанбе – Санкт – Петербург —  Душанбе  парвоз  мекунанд. Арзиши  чиптаҳо  дар   самтҳои  зикршуда аз 240 евро  сар  мешавад.
Ғайр  аз  ин,  ширкати  хавопаймоӣ зудомади  парвозҳоро  дар  самти  Хуҷанд – Новосибирск — Хуҷанд  ду баробар  зиёд  карданист.