«Саҳми А. Ҷомӣ дар рушди илмҳои табиӣ»-конфронс

Душанбе, 03.06.2014. (АМИТ «Ховар», Мавҷуда Анварӣ). — Бахшида ба 3000 — солагии Ҳисор ва 600-солагии Абдураҳмони Ҷомӣ дирӯз дар ноҳияи Мастчоҳ дуюмин конфронси илмӣ-методии омӯзгорони ҷавон баргузор гардид.Дар қисмати аввали конфронс дар мавзӯи «Саҳми Абдураҳмони Ҷомӣ дар рушди илмҳои табиӣ», «Ҳисор пас аз истилои манғитиён» ва «Мухтасаре роҷеъ ба таърихи Ҳисори Шодмон» маърӯзаҳо шунида шуданд.Қисмати дуюм аз рӯи бахшҳои филологӣ, фанҳои ҷамъиятшиносӣ, риёзию техникӣ, табиӣ ва услуби таълим ҷараён гирифт. Дар ин қисмат гузоришҳо оид ба «Витаминҳо ва аҳамияти он», «Усули таълими самарабахши физика дар мактаби миёна», «Яке аз масъалаҳои рӯзмарраи экологияи ноҳияи Мастчоҳ», «Мавқеи ибораҳои рехта дар қиссаи «Одина»-и С. Айнӣ», «Тарбияи ахлоқӣ дар афкори педагогикаи этникӣ», «Компютер ва саломатӣ» пешниҳоди иштирокчиён гардиданд.Дар фарҷоми конфронс ба муаллифони беҳтарин гузоришу маърӯзаҳо ифтихорнома ва туҳфаҳо супорида шуданд.