Сафири Тоҷикистон нусхаҳои эътиборномаҳоро супурд
Душанбе, 04.06.2014. (АМИТ «Ховар», Марҳабои Азамат). — 3 июн дар шаҳри Маскав маросими нусхаҳои эътиборномаҳоро супурдани Сафири навтаъини Фавқулодда ва Мухтори Ҷумҳурии Тоҷикистон дар Федератсияи Русия Имомуддин Сатторов баргузор гардид.
Дар ин бора намояндаи расмии Сафорати Тоҷикистон дар Федератсияи Русия Муҳаммад Эгамзод ба АМИТ «Ховар» хабар дод.
Назар ба иттилои манбаъ, нусхаҳои эътиборномаҳоро сармуншӣ ва муовини вазири корҳои хориҷии Русия Григорий Карасин қабул кард.
«Муовини вазири корҳои хориҷии Русия сафирро муборакбод карда, изҳори умедворӣ намуд, ки зимни фаъолияташ ба рушду густариши муносибатҳои Русия ва Тоҷикистон мусоидат хоҳад кард», — гуфт Муҳаммад Эгамзод.
Имомуддин Сатторов дар навбати худ итминон дод, ки барои инкишофи муносибатҳои дуҷонибаи стратегӣ чораҳои судманд хоҳад дид.
Дар анҷоми суҳбате, ки баъди маросими расмӣ баргузор гардид, доираи васеи масоили ҳамкории дуҷонибаи Тоҷикистону Русия, аз ҷумла масоили сиёсӣ ва иқтисодию гуманитарӣ, ҳамчунин тартиби равобит дар ҳошияи рушди муколамаи байнидавлатии сиёсӣ мавриди муҳокима қарор гирифт.
Имомуддин Сатторов қайд намуд, ки ҳалли масоили муҳоҷират ва ҳифзи ҳуқуқҳои муҳоҷирони меҳнатӣ дар Русия дар фаъолияти Сафорати Ҷумҳурии Тоҷикистон дар Федератсияи Русия авлавият доранд.
Ҷонибҳо ҳамчунин масоили марбут ба таҳкими ҳамкорӣ дар ҳошияи созмонҳои байналмилалию минтақавӣ ва рушди муносибатҳои тиҷоратию иқтисодиро мавриди муҳокима қарор доданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
