Санаи имтиҳонсупорӣ дар ММТ
Душанбе, 4.06.2014. (АМИТ «Ховар», Зарангези Латиф).- Аз 1-ум то 19-уми июли соли равон супоридани имтиҳонҳои довталабон дар Маркази миллии тестии назди Президенти Ҷумҳурии Тоҷикистон доир мегардад.
Имтиҳонҳои эҷодӣ ва маҳорат пас аз гузаштани имтиҳонҳои тестии компонентҳои А ва Б вобаста ба гурӯҳи ихтисос (кластер)-ҳо дар муассисаи таълимии аз ҷониби довталаб интихобгашта тибқи ҷадвали Маркази миллии тестии назди Президенти Тоҷикистон дар мувофиқа бо Вазорати маориф ва илми Ҷумҳурии Тоҷикистон аз 10-ум то 19 -уми июли соли ҷорӣ гузаронида мешаванд.
Гуфта мешавад, ки дар як гурӯҳ муассисаҳои таҳсилоти олии касбии ҷумҳурӣ ихтисосҳое ҳастанд, ки тибқи тартиби тасдиқгардида ва талаботи қоидаҳои қабул довталабоне, ки ин ихтисосҳоро интихоб намудаанд, дар баробари имтиҳонҳои марказонидаи дохилшавӣ бояд имтиҳони эҷодӣ ва маҳорат (ИЭМ) низ супоранд. Ба ин қатор ихтисосҳои самти санъат, дизайн, меъморӣ, динӣ (исломӣ) ва варзиш дохил мешаванд, ки дар соли 2014 теъдоди онҳо 43-то мебошад.
Мақсади гузаронидани имтиҳонҳои эҷодӣ ва маҳорат санҷидани қобилияти эҷодиву малакаи махсуси довталабон ва имкониятҳои шахсии онҳо оид ба аз худ намудани ихтисосҳои эҷодӣ мебошад. Дар саҳифаи дуюми “Даъватнома”-е, ки аз тарафи Маркази миллии тестӣ ба довталабоне, ки имтиҳонҳои эҷодӣ ва маҳорат месупоранд, ирсол гардидидааст, нишонии муассисаи таълимӣ ва таърихи баргузории ИЭМ сабт шудааст.
Мавриди зикр аст, ки довталаб рӯзи дигар пас аз супоридани имтиҳони компоненти Б бояд ҳатман ба муассисаи таълимии интихобнамудааш ҳозир гардад ва бо шартҳои имтиҳонҳои эҷодӣ ва маҳорат, инчунин макони гузаронидани онҳо шинос шавад.
Дар ин бора сухангӯи ММТ Ситорабону Назарова ба АМИТ «Ховар» хабар дод.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
