Сармуррабии «Далерон -Ӯротеппа» истеъфо дод

Душанбе, 02.06.2014. (АМИТ «Ховар», Ситораи Боймурод).- Аҳлиддин Турдиев, сармураббии дастаи нави лигаи олии футболи Тоҷикистон — «Далерон -Ӯротеппа»-и Истаравшан — аз вазифааш истеъфо дод.
Бино ба иттилои Федератсияи футболи кишвар сармураббии «Далерон-Ӯротеппа» Аҳлиддин Турдиев баъди шикаст аз дастаи«Хайр» тасмим гирифтааст, ки аз сармураббигии дастаи «Далерон-Ӯротеппа» истеъфо диҳад.
Ёдрас мешавем, ки Аҳлиддин Турдиев дар моҳи феврали соли равон ба вазифаи сармураббии «Далерон-Ӯротеппа» таъйин шуда буд. Бо раҳбарии вай «Далерон» дар чемпионати кишвар 7 бозӣ карда, 2 пирӯзӣ ба даст овардааст ва дар 3 бозӣ шикаст хӯрдааст. «Далерон» дар байни 10 даста дар ҷойи 8-ум қарор дорад.