Шӯрои адлия оид ба парваданҳои ҷиноятӣ семинар баргузор намуд

Душанбе, 2.06.2014. (АМИТ «Ховар», Муқаддас Темурзода). — Ҳафтаи сипаригардида дар Шўрои адлияи Ҷумҳурии Тоҷикистон бо иштироки кормандони дастгоҳи Шўрои адлия, судҳои шаҳри Душанбе, ноҳияҳои шаҳри Душанбе, шаҳру ноҳияҳои тобеи ҷумҳурӣ, суди ҳарбии гарнизони Душанбе ва суди иқтисодии шаҳри Душанбе семинар баргузор гардид.
Дар семинар Ҳ. Раҷабов, судяи суди ноҳияи Исмоили Сомонии шаҳри Душанбе дар мавзўи «Асосҳои умумии таъйини ҷазо бо парвандаҳои ҷиноятӣ» П. Мирзоев муовини раиси суди иқтисодии шаҳри Душанбе дар мавзўи «Тартиби баррасии парвандаҳо оид ба барқарор кардани парвандаи судии гумшуда дар судҳои иқтисодӣ», С. Қудратова судяи суди ноҳияи Варзоб дар мавзўи «Тачрибаи баррасии парвандаҳои оилавӣ марбут ба муайян кардани ҷои зисти кўдакон ва тартиби муошират бо онҳо», Д. Зуҳуров, судяи суди ноҳияи Синои шаҳри Душанбе дар мавзўи «Баррасии парвандаҳои ҳуқуқвайронкунии маъмурӣ вобаста ба майдаавбошӣ ва дигар ҳуқуқвайронкуниҳо, ки ба вайрон кардани тартиботи ҷаъмиятӣ ва ахлоқ вобаста мебошанд», сухан гуфтанд.