Ш.Зуҳуров бо даъвати С.Наришкин ба Маскав меравад

 
           Душанбе,16.06.2014.(АМИТ «Ховар», Марзия Саидзода).-Фардо, 17 июн Шукурҷон Зуҳуров-раиси Маҷлиси намояндагони Маҷлиси Олии Ҷумҳурии Тоҷикистон бо даъвати Сергей Наришкин- раиси Думаи давлатии Маҷлиси Федералии Федератсияи Русия бо як ҳайати баландпояи парлумонӣ ба Маскав меравад. 
           Шукурҷон Зуҳуров зимни сафари расмияш ба Русия бо Валентина Матвиенко- раиси Шӯрои Федератсияи Маҷлиси Федералии Федератсияи Русия, Сергей Наришкин-раиси Думаи давлатии Маҷлиси Федералии Федератсияи Русия  ва Константин Ромадоновский-раиси Хадамоти Федералии муҳоҷирати меҳнатии Федератсияи Русия мулоқот менамояд. Интизор меравад, ки Шукурҷон Зуҳуров  зимни мулоқот бо роҳбарони баландпояи Парлумони Русия масоили марбут ба таҳкими равобити ҳасанаи Душанбеву Маскавро дар бахшҳои мухталиф, хусусан тақвияти ҳамкориҳои байнипарлумонӣ ва масоили вобаста ба ҳифзи ҳуқуқу озодиҳои муҳоҷирони меҳнатии тоҷикро дар Русия матраҳ хоҳад кард.
        Ҳамзамон дар назар аст, ки Шукурҷон Зуҳуров дар назди донишҷӯён ва ҳайати устодону профессорони Донишкадаи давлатии заминсозии Маскав, ки худ дастпарвари ин донишкада аст,  сухан хоҳад гуфт.