Шаҳрвандон дар кадом масъалаҳо бештар арзу шикоят мекунанд?
Душанбе, 30.06.2014.(АМИТ “Ховар”, Марзия Саидзода).- Беш аз 1130 муроҷиати шаҳрвандон дар давоми фаъолияти иҷлосияи панҷуми палатаи поёнии Парлумони кишвар ба Маҷлиси намояндагони Маҷлиси Олии ҷумҳурӣ ворид гардидааст, ки аксари онҳо мавриди баррасӣ қарор гирифта, ба муроҷиаткунандагон аз натиҷааш хабар дода шудааст. Ин матлаб зимни гузориши раиси Маҷлиси намояндагони Маҷлиси Олии ҷумҳурӣ Шукурҷон Зуҳуров доир ба фаъолияти палатаи поёнии Парлумони кишвар дар давраи иҷлосияи панҷум зикр гардид. Таъкид шуд, ки аз 1130 муроҷиати шаҳрвандон 452 адад муроҷиати хаттӣ буда, инчунин дар ин муддат 681 шаҳрвандон қабул карда шуданд. Аризаю муроҷиати шаҳрвандон асосан марбут ба масъалаҳои таъмини нафақа, ҷудо намудани қитъаи замин барои сохтмони манзили истиқоматӣ, таъмини манзили зист, баҳси манзили истиқоматӣ, дастрас кардани техникаи тиббӣ, таъминот бо оби нӯшокӣ, ситонидани андоз, расонидани кӯмаки моддию молиявӣ, бозҳисобии ҳама гуна нафақаҳо, таъмин бо ҷойи кор, кӯмаки тиббию санитарӣ, дохилшавӣ ба донишгоҳҳои олии кишвар ва хориҷӣ мебошанд.Теъдоди бештари муроҷиати воридгардидаи шаҳрвандон ба Парлумон ба шаҳри Душанбе 424 адад, Хатлон 239 ва Суғд 180 адад рост меояд. Инчунин дар ин давра 59 муроҷиатҳои такрорӣ, 52 муроҷиат аз маъюбону иштирокчиёни Ҷанги Бузурги Ватанӣ ва 82 муроҷиати дастаҷамъона ба Маҷлиси намояндагон ворид гардидааст.Шукурҷон Зуҳуров таъкид кард, ки таҳлили хусусияти соҳавии муроҷиатҳо далели он аст, ки ҳанӯз ҳам дар маҳалҳо мардум ҷиҳати ҳалли баъзе масъалаҳои муҳими худ барои кӯмак ба интихобкардаҳои худ -вакилон муроҷиат менамоянд. Зеро аз мазмуни муроҷиатҳо шаҳрвандон бармеояд, на аз ҷониби ҳамаи мақомот ҷиҳати ҳалли мушкилоти шаҳрвандон муносибати зарурӣ сурат мегирад, таъкид кард, Ш. Зуҳуров. Мавсуф афзуд, ки мо кӯшиш кардем, ки муроҷиати шаҳрвандонро дар муҳлати муқарраршуда ҳал намоем ё сабаби ҳал нашудани онро бо далелҳои мушаххас нишон диҳем. Ҳамзамон дар ин давра ба Кумитаҳо ва комиссияҳои Маҷлиси намояндагон 383 муроҷиат, ба шӯъбаҳои Дастгоҳ 69 муроҷиат ворид гардидааст. Ин арзу шикоятҳо мувофиқи мансубияташон барои баррасӣ ва чораандешӣ ба Ҳукумат, вазорату идораҳо, ҳукуматҳои вилоятҳо, Суди Олӣ, Прокуратураи генералӣ ва ҳукуматҳои шаҳру ноњияҳо фиристода шудаанд.








Имрӯз дар шаҳри Душанбе ҳаво то 16 дараҷа гарм мешавад
Дар шаҳри Панҷакент маркази хизматрасонӣ ва тарабхона ба истифода дода шуд
Дар Кӯлоб барои омодагӣ ба ҳолатҳои фавқулода ҷаласа доир шуд
Бахшида ба Рӯзи Президент дар шаҳри Бӯстон Рӯзи дарҳои кушод доир гардид
ПАНҶАКЕНТИ ҚАДИМ. Оид ба омӯзиши он конференсияи илмӣ баргузор шуд
Дар шаҳри Панҷакент фаъолияти корхонаҳои саноатӣ тақвият меёбад
Дар Тоҷикистон масоҳати хонаҳои истиқоматӣ бештар гардидааст
Дар шаҳри Кӯлоб бахшида ба Рӯзи Президенти Тоҷикистон ҳамоиш доир шуд
Мардуми ноҳияи Рашт дар симои Пешвои миллат наҷотбахши миллату давлат, кафили сулҳу ваҳдат ва эҳёгари фарҳанги миллиро мебинанд
Таҳти унвони «Нақши Пешвои миллат дар ташаккул ва рушди фарҳанги миллӣ» конференсияи ҷумҳуриявӣ доир шуд
Бахшида ба Рӯзи Президенти Тоҷикистон дар Коллеҷи омори шаҳри Ваҳдат конференсияи ҷумҳуриявӣ доир гардид






