Шоми танини навои Арғунун дар Донишкадаи санъат
Душанбе, 13.06.2014. (АМИТ «Ховар», Раъно Нусратуллозода).-Бо ташаббуси Сафорати Федератсияи Русия дар Ҷумҳурии Тоҷикистон, маъмурияти вилояти Томски Русия, Намояндагии ҳамкориҳои Русия дар Тоҷикистон «Россотрудничество», вазоратҳои фарҳанг, маориф ва илми Тоҷикистон бегоҳии имрӯз дар толори Донишкадаи давлатии санъати Тоҷикистон консерти арт-гурӯҳи «Арғунун ва созҳои зарбӣ» («Орган vs ударные») баргузор мегардад.Тавре аз Вазорати фарҳанги ҷумҳурӣ иттилоъ доданд, консерти мазкур дар доираи Рӯзҳои маориф, илм ва фарҳанги вилояти Томски Федератсияи Русия доир мегардад.Дар барномаи консертӣ офаридаҳои машҳуртарини репертуари классикӣ бо партияҳои кушодаи асбобҳои зарбӣ, асарҳои басо нодири махсус барои Арғунун ва асбобҳои зарбӣ навишта, ҳамчунин фарзияҳои ҷаз ва ҷазии репертуари классикӣ, мисоли «Токатта ва фуга ре-минор in jazz» садо медиҳанд.