Соҳибкорони туркӣ барои ҳамкорӣ омодаанд
Душанбе, 12.06.2014. (АМИТ «Ховар», Мавҷуда Анварӣ).- Имрӯз дар Палатаи савдо ва саноати кишвар мулоқоти ҳайати соҳибкорон ва тоҷирони шаҳри Бурсаи Ҷумҳурии Туркия бо ҳайати соҳибкорони Ҷумҳурии Тоҷикистон баргузор гардид. Роҳбарии ҳайати туркиро Консули фахрии Ҷумҳурии Тоҷикистон дар Ҷумҳурии Туркия Алӣ Фуат Эр бар уҳда дошт.Муовини раиси Палатаи савдо ва саноати кишвар Асаналӣ Карамалиев оид ба вазъи иқтисодӣ ва муҳити мусоиди сармоягузорӣ дар Тоҷикистон маълумоти муфассал дода, мақсади баргузории мулоқотро ба роҳ мондани ҳамкориҳои иқтисодии дуҷониба, ҷалби сармоя, инчунин дурнамои фаъолияти муштараки ширкатҳои тоҷикию туркӣ дар Тоҷикистон арзёбӣ намуд.Алӣ Фуат Эр зикр кард, ки: «Дар Тоҷикистон ва Туркия бо талошҳои роҳбарияти олимақоми ин ду давлат заминаҳои хуби ҳамкориҳо фароҳам оварда шудааст. Барои рушди онҳо аз тамоми захираву имконоти мавҷуда бояд самаранок истифода бурд. Соҳибкорони туркӣ омодаанд, ки дар оянда бо Тоҷикистон дар соҳаҳои иқтисодӣ, иҷтимоӣ, бахусус тиҷорат, бунёди корхонаҳои муштарак, сохтмон ҳамакориҳои дуҷонибаро таҳкиму тавсеа бахшанд».Дар рафти мулоқот вазъи кунунӣ ва дурнамои рушди ҳамкориҳои гуногунҷабҳаи дуҷониба, масоили густариши ҳамкориҳои Тоҷикистону Туркия дар бахшҳои иқтисоду савдо мавриди баррасӣ қарор гирифтанд.
Имрӯз дар водиҳои Тоҷикистон борон меборад
Имрӯз дар якчанд кумитаю идораҳо нишастҳои матбуотӣ баргузор мегарданд
Имрӯз дар ноҳияҳои алоҳидаи Тоҷикистон туман мефарояд
Имрӯз дар шаҳри Душанбе борон меборад
Масъалаҳои татбиқи «Барномаи давлатии рушди телевизион ва радио» дар муҳокимаи парламентӣ баррасӣ шуданд
Паёмҳои Президенти Тоҷикистон ба Маҷлиси Олӣ ҳамчун санади муҳими барномавии давлатӣ арзёбӣ мешаванд
Ҷашни Сада дар Донишгоҳи байналмилалии сайёҳӣ ва соҳибкории Тоҷикистон ботантана таҷлил гардид
Имрӯз дар ноҳияҳои алоҳидаи Тоҷикистон туман мефарояд
Низом Мирзозода: «Шаҳрвандон пеш аз хариди манзил фаъолияти ширкатҳои сохтмониро тавассути QR-код санҷанд»
