Сокини пойтахт ба қаллобӣ гумонбар шуд

Душанбе, 26.06.2014. (АМИТ «Ховар», Муқаддас  Темурзода). – Сокини  пойтахт Абдуфаттоҳ  Умаров  дар  аризааш  унвонии  шуъбаи   корҳои  дохилии   ноҳияи  Сино – 2  изҳор  доштааст, ки  30  сентябри  соли  2013  шаҳрванд  Идибой  Бобоев  бо  роҳи  қаллобӣ  аз  ӯ 17  ҳазор  доллари  ИМА —  ро  қарз  гирифта,  онро  пас  нагардондааст.
Назар  ба  хабари  ВКД  ҶТ,  дар  ҷараёни  тафтишот  маълум  шуд, ки  Идибой  Бобоев 4  октябри  соли  2012  бо  ҳамин  усул  аз  сокини шаҳри  Душанбе  Олимхон  Атобеков  10  ҳазор  доллар  гирифта,   маблағро пас  нагардондааст.
Мавсуф  бо  ҳамин  усул  аз   Абдусалом  Умаров  4  ҳазор  доллар  ва  аз Иродахон  Ҷумъаева  5  ҳазор  доллар  гирифта  маблағҳои  зикршударо барнагардонидааст.
Аз рӯи ҳодисаҳои  зикршуда  парвандаҳои  ҷиноӣ кушода шудааст.