Тақвияти ҳамкориҳо дар самтҳои мухталиф
Душанбе, 17.06.2014. (АМИТ «Ховар», Раъно Нусратуллозода).-Муовини ректор оид ба корҳои илмии Донишгоҳи давлатии омӯзгории Бошқирдистон ба номи М.Акмуллӣ Алмаз Мустаев ва котиби масъули комиссияи қабули ҳамин донишгоҳ Фиданис Тимерханов 16 июни соли ҷорӣ бо сафари корӣ ба Тоҷикистон омада, бо ректори Донишгоҳи давлатии омӯзгории Тоҷикистон ба номи С.Айнӣ Абдуҷаббор Раҳмонов мулоқот намуданд.
Тибқи иттилои Бахтиёри Абдураҳим- котиби матбуоти Донишгоҳи омӯзгорӣ, дар вохӯрӣ, ки бо ширкати аъзои Шӯрои олимон баргузор гардид, академик А.Раҳмонов пиромуни боздидаш аз Донишгоҳи омӯзгории Бошқирдистон сухан ронда, таълимгоҳи мазкурро яке аз муассисаҳои олии тараққикардаи минтақа унвон кард. Дар такя бар қавли мавсуф, зимни сафари охири ӯ ба Бошқирдистон, ки ҳамагӣ чанд моҳи қабл сурат гирифт, бо Донишгоҳи омӯзгории ин кишвар созишномаҳои гуногунҷанба доир ба ҳамкориҳои судманд ба тасвиб расиданд.
Алмаз Мустаев, муовини ректор оид ба корҳои илмии Донишгоҳи давлатии омӯзгории Бошқирдистон ба номи М.Акмуллӣ, гуфт, ки ҳадафи омадани онҳо тақвият ва густариши ҳамкориҳо мебошад ва дар қатори шартномаҳои зиёд, ҳамзамон, созишномаҳое ҳастанд, ки бунёдию аслӣ маҳсуб меёбанд ва шартномаи байни ин ду донишгоҳи омӯзгорӣ маҳз аз қабили ин гуна аснод хоҳад буд.
Назар ба қавли Алмаз Мустаев донишгоҳи онҳо соли 1967 таъсис ёфта, дорои 11 факулта мебошад. Шумораи муҳассилин ҳудуди 11 ҳазор нафарро ташкил медиҳад.
Дар мулоқот ҷонибҳо барои табодули таҷрибаи омӯзгорон, қабули муҳассилини якдигар дар зинаҳои бакалавр ва магистратура изҳори омодагӣ карданд.
«ТОҶИКИСТОН — ВАТАНИ АЗИЗИ МАН». Моҳи апрел даври якуми озмуни ҷумҳуриявӣ оғоз меёбад
КИШТИ БАҲОРӢ. Маъсар зироати пурқимати равғандеҳ маҳсуб мешавад
ГУЛБАСТ — МАТОЕ БО САНЪАТИ НОДИР. Он воқеан ҳам либоси зебо ва миллӣ аст
«Ҳар як давлат, сарфи назар аз сатҳи рушди иқтисодӣ бояд дар ҳифзи криосфера саҳми фаъол гузорад», — бардошт аз конфронс дар Душанбе
21 МАРТ — РӮЗИ БАЙНАЛМИЛАЛИИ ҲИФЗИ ПИРЯҲО. Пиряхҳои Тоҷикистон манбаи бузурги оби дарёҳои Осиёи Марказӣ ба шумор мераванд
Имрӯз дар Тоҷикистон ҳавои тағйирёбанда пешгӯӣ мешавад
«ҲАМАҶО АНҶУМАНИ НАВРӮЗ АСТ». Аз 21 то 25 март дар шаҳру ноҳияҳои Хатлон барномаҳои идона доир мегарданд
Кордсозӣ чун рамзи маҳорати ҳунармандони тоҷик то имрӯз ҳифз гардидааст
Филмҳо ва шабакаҳои телевизионӣ – бе пардохти иловагӣ ва сарфи трафик
Имрӯз дар Тоҷикистон ҳавои абрнок пешгӯӣ мешавад
Наврӯз рамзи эҳёи табиат, фарҳанги миллӣ ва неруи созанда дар таҳкими сулҳи ҷаҳонӣ аст
Имрӯз дар Тоҷикистон ҳавои тағйирёбандаи бебориш пешгӯӣ мешавад
