Таҳқиқи фразеологияи лаҳҷаи тоҷикони Андарақ
Душанбе, 11.06.2014. (АМИТ «Ховар», Раъно Нусратуллозода).- «Лексика ва фразеологияи лаҳҷаи тоҷикони Андарақ», чунин ном дорад китоби номзади илмҳои филологӣ, дотсент Салоҳиддин Ӯзбеков, ки ба таҳқиқи лаҳҷашиносӣ ихтисос ёфтааст. Ин китоб аз шумораи аввалини таҳқиқотест, ки мухтассоти лаҳҷаи тоҷикони Андарақро фаро мегирад. Тавре сардори маркази иттилоот ва таҳлили Раёсати Донишгоҳ давлатии Хуҷанд Маъмури Юсуфзод иттилоъ дод, дар рисола таркиби луғавии лаҳҷа, вожаҳои классикӣ дар забони мардум, таҳқиқи диалектизҳо, аз ҷумла диалектизмҳои иқтибосии арабиасл, туркию ӯзбекӣ, русӣ — байналмилалӣ, теъдоди вожагони хос, мансубияти диалектизмҳо, ҳиссаҳои нуқт, гурӯҳбандӣ ва сохтори диалектизмҳо, қабатҳои луғавию маъноӣ, хусусияти луғавию маъноии таркиби луғавӣ, гурӯҳбандии фразеологизмҳои лаҳчавӣ аз лиҳози тобишҳои маъноӣ мавриди баррасӣ қарор гирифтаанд.